វីដេអូថ្មីរបស់ក្រុមចម្រៀងផលិតកម្ម HYBE រងការរិះគន់យ៉ាងខ្លាំង

ក្រុមចម្រៀងប្រុស TXT បានរងនូវរលកនៃការរិះគន់យ៉ាងចាស់ដៃ បន្ទាប់ពីវីដេអូថ្មីមួយដែលហាក់ដូចជាកំពុងផ្សព្វផ្សាយពាណិជ្ជកម្មឱ្យថ្នាលបច្ចេកវិទ្យា (Platform) របស់រុស្ស៊ី ត្រូវបានគេចែករំលែក ចំពេលដែលសង្គ្រាមរវាងរុស្ស៊ី និងអ៊ុយក្រែនកំពុងបន្តកើតឡើង។

អ្នកនិយមលេងបណ្ដាញសង្គមបានលើកឡើងថា TXT បានចេញផ្សាយវីដេអូផ្ដាច់មុខមួយ ដែលមើលទៅដូចជាការជួយផ្សព្វផ្សាយដល់ថ្នាលរបស់រុស្ស៊ីមួយដែលមានការភ្ជាប់ទំនាក់ទំនងជាមួយទូរទស្សន៍ Mnet ហើយចំពេលដែលរុស្ស៊ីកំពុងមានសង្គ្រាមជាមួយអ៊ុយក្រែនបែបនេះ វាបានបង្កឱ្យមានការផ្ទុះប្រតិកម្មយ៉ាងខ្លាំង។

រឿងរ៉ាវនេះបានទាញការរិះគន់ធ្ងន់ៗពីសំណាក់មហាជន ដោយពួកគេបានវាយប្រហារទៅលើផលិតកម្ម BIGHIT MUSIC ដែលបានអនុញ្ញាតឱ្យក្រុមចម្រៀងមួយនេះផ្សព្វផ្សាយ Platform នោះ ជាពិសេសគឺចំពេលដែលក្រុមនេះទើបតែឆ្លងកាត់រឿងចម្រូងចម្រាសកន្លងមកថ្មីៗ។ ទោះបីជាអ្នកគាំទ្រមួយចំនួនបានទទួលស្គាល់ថា នេះគឺជាកិច្ចសហការរវាង Mnet ជាមួយនឹងម៉ាកយីហោនោះក៏ដោយ ក៏ពួកគេនៅតែបង្ហាញការខកចិត្តដែល TXT ត្រូវបានគេយកមកប្រើប្រាស់ដើម្បី «ផ្សព្វផ្សាយពាណិជ្ជកម្ម» ឱ្យក្រុមហ៊ុនបែបនេះដដែល។

Previous Post Next Post
Share to other apps
Copy Post Link

Contact Form