បន្ទាប់ពីបញ្ចប់ការសម្តែងយ៉ាងអស្ចារ្យនៅលើឆាកតន្ត្រី លំដាប់កំពូលតារាចម្រៀង Jennie (សមាជិកក្រុម Blackpink) បានឆ្លៀតពេលរីករាយនឹងការសម្រាកលំហែកាយដ៏ខ្លីមួយ។ កាលពីថ្ងៃទី៣ កន្លងទៅនេះ នាងបានបង្ហោះរូបភាពដើរលេងជាច្រើនសន្លឹកនៅលើបណ្តាញសង្គម ដែលធ្វើឱ្យអ្នកគាំទ្រផ្ទុះការចាប់អារម្មណ៍ និងចែករំលែកតៗគ្នាយ៉ាងព្រោងព្រាត។
Jennie បានបង្ហោះរូបភាពនៅលើ Instagram ជាមួយសារថា «copenhagenagainandagain (ត្រឡប់មកកូប៉ិនហាក ម្តងហើយម្តងទៀត)» រួមជាមួយរូបថតជាច្រើនសន្លឹកពេលនាងទៅកម្សាន្តនៅទីនោះ។
អ្វីដែលធ្វើឱ្យហ្វេនៗសម្រុកចូលទៅខមិន និង «សន្លប់បាត់ស្មារតី» នោះគឺរូបភាពដែលនាងពាក់អាវហែលទឹកប៊ីគីនី (Bikini) ឡាយខ្លារខិន ដែលមានពណ៌ស្រដៀងនឹងពណ៌សាច់ (Nude) បង្ហាញរាងយ៉ាងស្រឡូនស្អាតឥតខ្ចោះ ទាំងពេលសម្រាកនៅក្នុងបន្ទប់សូណា (Sauna) និងពេលហែលទឹកលេងនៅក្នុងអាងហែលទឹកខាងក្រៅ។
ក្រៅពីភាពសិចស៊ី Jennie ក៏បានចែករំលែកសកម្មភាពជាច្រើនទៀតដូចជា៖
ដើរលេងតាមដងផ្លូវ៖ នាងបានដើរលម្ហែកាយតាមដងផ្លូវនៃទីក្រុងកូប៉ិនហាក ឈរមើលទេសភាពនៅលើស្ពាន និងភ្លក្សបង្អែមប្រចាំតំបន់ (Crème Brûlée) យ៉ាងមានក្តីសុខ។
រូបថតមុខមាត់ធម្មជាតិ (Bare Face)៖ នាងបានបង្ហោះរូបថត Selfie បង្ហាញមុខស្ទើរតែគ្មានការផាត់មុខទាល់តែសោះ ដែលធ្វើឱ្យហ្វេនៗសរសើរមិនដាច់ពីមាត់ថា «មិនបាច់តុបតែងមុខក៏នៅតែស្អាត»។
ហ្វាសិនទាន់សម័យ៖ ក្នុងដំណើរលម្ហែកាយនេះ នាងបានដូរឈុតសម្លៀកបំពាក់ជាច្រើនស្តាយ បែបសាមញ្ញៗតែមើលទៅទាន់សម័យ និងមានភាពថ្លៃថ្នូរខ្លាំង។
ខុសពីស្ទីលដ៏មានអំណាច និងលេចធ្លោនៅលើឆាកតន្ត្រី រូបភាពស្រស់ៗជិតស្និទ្ធទាំងនេះ បានបង្ហាញពីមន្តស្នេហ៍ម្យ៉ាងទៀតរបស់ Jennie ដែលធ្វើឱ្យអ្នកគាំទ្រលង់ស្រឡាញ់នាងកាន់តែខ្លាំង។
