ទិដ្ឋភាពពិធីសែនចងដៃរបស់តារាចម្រៀងស្រីរូបស្រស់ រ៉ាប៊ី និងបុរសសង្ហា Nick Taylor នាព្រឹកមិញកំពុងទាញចំណាប់អារម្មណ៍មហាជនជាច្រើនឱ្យលាន់មាត់វ៉ោវក្រោយបានឃើញចំណងដៃដែលទទួលបានជាលុយដុល្លារសុទ្ធៗ ព្រមជាមួយគ្រឿងពេជ្រ១ឈុតយ៉ាងស្រស់ស្អាត ដែលនេះជាចំណងដៃអាពាហ៍ពិពាហ៍ដែលបងប្អូនសាច់ញាតិទាំងសងខាងត្រៀមរៀបចំសម្រាប់ថ្ងៃពិសេសរបស់អ្នកទាំងពីរជាពិសេសអ្នកមានគុណរបស់កូនកំលោះនិងកូនក្រមុំតែម្ដង។ ដោយឡែក ទិដ្ឋភាពនៃពិធីសែនចងដៃរបស់តារាស្រីរូបស្រស់និងកីឡាករបាល់ទាត់រូបសង្ហានេះក៏ត្រូវបានមហាជនលាន់មាត់សរសើរផងដែរថាមានការរៀបចំបានយ៉ាងស្រស់ស្អាត រីឯសម្លៀកបំពាក់ក៏សមសួនគួរជាទីចាប់អារម្មណ៍និងគាប់ភ្នែកអ្នកដែលបានឃើញ។
គួរឱ្យដឹងថាមង្គលការតារាស្រីនិងកីឡាករបាល់ទាត់រូបនេះមានការចូលរួមពីបណ្ដាអ្នកនៅក្នុងវិស័យសិល្បៈជាច្រើន ព្រមជាមួយអ្នកខាងក្រៅសិល្បៈ អ្នកជំនួញ និងម្ចាស់ក្រុមហ៊ុនធំៗនៅក្នុងស្រុកផងដែរ៕
