អាចជារឿងភ្ញាក់ផ្អើលណាស់ដែរចំពោះអារម្មណ៍ដែលផ្លាស់ប្ដូរបែបនេះ ព្រោះយើងមិនដឹងថាវាចាប់ផ្ដើមនៅពេលណា ហើយមានអារម្មណ៍ថាគ្មានវិធីដើម្បីជួសជុលអ្វីទាំងអស់។ នៅពេលដែលអស់ចិត្តហើយ មនុស្សដែលយើងធ្លាប់ជួប និងសប្បាយចិត្ត ស្រាប់តែប្រែក្លាយទៅជាមនុស្សដែលយើងមានអារម្មណ៍ព្រងើយកន្តើយ ដោយមិនមានការរំភើប មិនមានការចង់ក្តីស្រឡាញ់ពីគេ ហើយអ្វីដែលកាន់តែអាក្រក់នោះគឺនៅពេលយើងកាន់តែព្យាយាមរារាំងអារម្មណ៍របស់យើងមិនឲ្យផ្លាស់ប្តូរ យើងបែរកាន់តែមានអារម្មណ៍នឿយណាយ ចាប់ផ្តើមធុញទ្រាន់នឹងការបង្ខំខ្លួនឯងដើម្បីរក្សាទំនាក់ទំនង។ ប្រសិនបើរោគសញ្ញាកាន់តែធ្ងន់ធ្ងរ អ្នកប្រហែលជាត្រូវពិចារណាបើកចិត្ត និងនិយាយគ្នា ព្រោះការដែលភាគីម្ខាងអស់ចិត្តដោយភាគីម្ខាងទៀតមិនបានធ្វើខុស ប្រសិនបើបន្តជំរុញកាន់តែខ្លាំង គឺនឹងធ្វើបាបគ្នាកាន់តែខ្លាំង។
២. ទំនុកចិត្តធ្លាក់ដល់ចំណុចសូន្យ
ធាតុសំខាន់មួយក្នុងទំនាក់ទំនងស្នេហាគឺ “ការទុកចិត្ត” ដែលប្រសិនបើវាត្រូវបានបំផ្លាញអស់ហើយ នោះវានឹងក្លាយជាទំនាក់ទំនងមួយដែលភាគីណាមួយត្រូវមានការភ័យខ្លាចឥតឈប់ឈរ។ ការជឿទុកចិត្តនេះគ្របដណ្តប់លើរឿងជាច្រើន អាចជារឿងដែលភាគីម្ខាងទៀតមានចិត្តមិនស្មោះត្រង់ លួចក្បត់ រឿងដែលភាគីម្ខាងទៀតកុហកជាញឹកញាប់រហូតក្លាយជាទម្លាប់ ឬក៏អាចជារឿងលុយកាក់ផងដែរ។ នៅពេលដឹងថាខ្លួនត្រូវគេបោកម្ដងហើយម្ដង យើងប្រាកដជាមានការសង្ស័យជារៀងរហូតថាអាចនឹងមានការកើតឡើងម្តងទៀត។ មនុស្សជាច្រើនផ្តល់ឱកាសឱ្យមនុស្សជាទីស្រឡាញ់តែម្តងទេ ប្រសិនបើនៅតែមានអាកប្បកិរិយាដដែលៗទៀតនោះ អ្នកប្រហែលមិនគួរទ្រាំទ្រនឹងស្ថានភាពនេះទៀតទេ។ វិធីតែមួយគត់ដែលយើងអាចវិលទៅរកអារម្មណ៍សុខសាន្តនិងរស់នៅក្នុងជីវិតធម្មតា គឺត្រូវកាត់ទំនាក់ទំនងជាមួយនឹងមនុស្សដែលបានបំផ្លាញការទុកចិត្តរបស់យើង។
៣. បាត់បង់ខ្លួនឯង
យើងនឹងមិនមានអារម្មណ៍ធុញទ្រាន់ទេ ថែមទាំងមានក្ដីសុខខ្លាំងទៀតផង ប្រសិនបើបានជួបស្នេហាល្អ ស្នេហាដែលយើងមិនចាំបាច់ព្យាយាមធ្វើជាមនុស្សផ្សេងៗ មិនចាំបាច់ព្យាយាមបង្កើតធ្វើជាមនុស្សឥតខ្ចោះ រហូតដល់បាត់បង់ភាពជាខ្លួនឯង ឬការស្រលាញ់ខ្លាំងពេកក៏អាចក្លាយជាចំណងដែលចងមនុស្សពីរនាក់ជាប់គ្នា រហូតបាត់បង់ភាពជាខ្លួនឯងដូចគ្នា។ ព្រោះតែខ្លាចបាត់បង់គេ អ្នកក៏ស្ដាប់តាមគេរហូត ដូច្នេះវាមិនមែនជាទំនាក់ទំនងស្នេហាដែលល្អនោះទេ។
៤. ទំនាក់ទំនង Toxic ពិតៗ
មានទំនាក់ទំនងដែលធ្វើឲ្យយើងរស់នៅក្នុងទុក្ខព្រួយ ហើយបារម្ភគ្រប់យ៉ាងខ្លាំងពេក គឺដូចជាការផឹកថ្នាំពុលជារៀងរាល់ថ្ងៃ គ្មានក្ដីសុខទាំងផ្លូវកាយ និងផ្លូវចិត្ត មានអារម្មណ៍ថាតម្លៃខ្លួនឯងត្រូវគេជាន់ឈ្លីរៀងរាល់ថ្ងៃ។ ដូច្នេះ ចូរកុំទុកឲ្យខ្លួនឯងនៅក្នុងទំនាក់ទំនងបែបនេះយូរ ដោយសារតែពេលដែលអ្នកចំណាយពេលកាន់តែច្រើនក្នុងទំនាក់ទំនងនេះ អារម្មណ៍អវិជ្ជមានកាន់តែកើនឡើង។
៥. មិនឃើញអនាគតរួមគ្នាទាល់តែសោះ
ស្រលាញ់គ្នាដំបូងៗ អ្នកអាចមិនច្បាស់ទេថាទំនាក់ទំនងស្នេហានេះគឺគ្រាន់តែការស្រលាញ់គ្នាមួយឆាវ ឬដើម្បីសាងអនាគតជាមួយគ្នា។ ប៉ុន្តែទំនាក់ទំនងមិនអាចបន្តមិនច្បាស់លាស់បែបនេះរៀងរហូតទេ។ នៅចំណុចមួយនឹងមានភាគីមួយចាប់ផ្តើមសួរអំពីអនាគតថាតើយើងស្ថិតនៅក្នុងផ្នែកណានៃជីវិតរបស់គ្នាទៅវិញទៅមក? បើអ្នកមិនមានរូបភាពនៃការមានគាត់ក្នុងឋានៈជាគូជីវិត តើអនាគតនឹងទៅជាបែបណា? ច្បាស់ណាស់ថាយើងគ្មានអនាគតជាមួយគ្នាទេ។ ដូច្នេះត្រូវនិយាយឱ្យច្បាស់ថានៅបន្តដើម្បីអ្វី បើអនាគតរវាងអ្នកទាំងពីរងងឹតឈឹងបែបហ្នឹង ៕
